دانلود آهنگ بختیاری تصنیف کلو از رحمان محمودی

تَش به دِلُم وَنده ، زیرِ لَو هی ایخَنده
مونه کَلو کِرده و ، هی کُویر بِم ایبنده

طاقَت ندارُم سیس ، هر شَو بِیارُم سیس
عاشِقِس آبیمه ، دلْ بی قَرارُم سیس

یارِ مو چی اَفتَو ، تَش اِینه مین شَو
تِیا مو وا یادِس ، اَویدِنه بی خَو

ایخوم بِفَهمه که : هوشِ دِلُم واسه
اِخوم بگوم بِس که : مینِ دلِم جاسه

اَفتَوِ ری یارُم ، تَش ناده منْ جونُم
چی کوگِ کُه کینو ، به عشقِس ایخونُم

سی گُلِ نازدارُم ، وابیدُمه لیوه
مِن تَشِس ایسوسه ، جونِ مو چی هیوه

گُل گُلِ نازولُم ، نازِس شِرینه سیم
زیرِ بُهونِ عشق ، جورِ سِتینه سیم

به زونِ یه چی ایگو ، ولی دِلِس وامه
چینکه من زَنگَل ، هَمس کِلِ دامه

هر رو یه جوره وام ، نَم که اِخُم یا نَه ؟
اِخوم یه چی بِس گوم : نَم که بگُمِ یا نَه!

تَش به دِلُم وَنده ، زیرِ لَو هی ایخَنده
مونه کَلو کِرده و ، هی کُویر بِم ایبَنده

ترانه سرا : #مهردادناصری